Бронхипрет® шәрбаты нұсқаулығы
Дәрілік препаратты медициналық қолдану жөніндегі нұсқаулық (Қосымша парақ) – Бронхипрет® шәрбаты
Саудалық атауы
Дәрілік түрі, дозасы
Фармакотерапиялық тобы
Қолданылуы
Қолдануға болмайтын жағдайлар
Арнайы ескертулер
Қолдану жөніндегі нұсқаулар: дозалау, жиілік
Жағымсыз әсерлер
Дәрілік препараттың құрамы
Шығарылу түрі және қаптамасы
Сақтау мерзімі және шарттары
Дәріханалардан босатылу шарттары
Өндіруші туралы мәліметтер
Халықаралық патенттелмеген атауы
Жоқ
Дәрілік түрі, дозалануы
Шәрбат 50 мл, 100 мл
Фармакотерапиялық тобы
Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімдерін қоспағанда. Қақырық түсіретін препараттар. Қақырық түсіретін препараттар біріктірілімі.
АТХ коды R05CA10
Қолданылуы
- Тыныс алу жолдарының жөтел, қақырық түзілуімен (трахеит, трахеобронхит, бронхит) қатар жүретін жедел және созылмалы қабыну ауруларын емдеуде қақырық түсіретін дәрі ретінде.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- жебіршөп шөбі сығындысына және айұрық жапырағы сығындысына, ерінгүлділер (Lamiaceae) және аралий (Araliaceae) тұқымдас өсімдіктердің басқа түрлеріне немесе препараттың басқа компоненттеріне жоғары сезімталдық.
- жүктілік және бала емізу кезеңі
- респираторлық симптомдардың нашарлау қаупіне байланысты 2 жасқа дейінгі балаларда
Қолдану кезіндегі қажетті сақтық шаралары
Аталған дәрілік заттың құрамында мальтит бар. Тұқым қуалайтын фруктоза жақпаушылығы бар пациенттерге препаратты қабылдауға болмайды.
Басқа дәрілік препараттармен өзара әрекеттесуі
Бронхипрет® шәрбатын жөтелге қарсы дәрілік заттармен, сұйылған қақырықты жөтеліп шығаруды қиындататын болғандықтан қақырық түзілуін азайтатын заттармен де бір уақытта қолдануға болмайды. Бактерияға қарсы дәрілік заттармен біріктіріліп те қабылдануы мүмкін.
Арнайы ескертулер
Егер ауру симптомдары жойылмаса немесе тыныс алу қиындаса, қызба, іріңді қақырық немесе жөтел кезінде қан аралас қақырық пайда болса жедел түрде дәрігерден кеңес алу қажет. 2-ден 4 жасқа дейінгі балаларда қолдану дәрігердің кеңесін талап етеді .
Асқазанның гастрит немесе ойық жарасы бар пациенттерге препаратты сақтықпен қабылдаған жөн.
1 мл препарат құрамында 0,055 г спирт бар. Ересектерге ұсынылатын Бронхипрет® (5,4 мл) шәрбатының ең жоғары жеке дозасының құрамында 0,297 г спирт бар.
Құрамында алкоголь (көлеміне шаққанда 6 - 7% спирт) бар болуына байланысты маскүнемдіктен зардап шегетін немесе маскүнемдіктен сәтті емделген пациенттерге препаратты қолдануға ұсынылмайды. Дәрілік затты ұсынылатын дозадан артық дозада қабылдайтын балаларға, сондай-ақ жоғары қауіп тобының пациенттеріне, мысалы бауыр аурулары және эпилепсиясы бар пациенттерді емдегенде құрамында алкогольдің бары есепке алынуы тиіс.
Ашылған құтыны 6 ай бойы пайдалануға болады. Ұзақ сақталғанда препарат бұлыңғырлануы мүмкін, бұл Бронхипрет® шәрбатының тиімділігіне әсер етпейді.
Диабетиктер үшін ақпарат:
Қант диабеті бар пациенттер Бронхипрет® шәрбатының бір реттік дозасында (5,4 мл) орташа алғанда 0,18 нан бірлігі (НБ) бар екенін ескеруі тиіс.
Педиатрияда қолдану
Бронхипрет® шәрбатын 2 жасқа дейінгі балаларға қолдануға болмайды.
Жүктілік немесе лактация кезінде
Жүктілік және бала емізу кезінде қолдану ұсынылмайды (клиникалық деректердің жеткіліксіздігіне байланысты).
Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препарат ұсынылған дозаларда көлік құралдарын немесе қауіптілігі зор механизмдерді басқару қабілетіне әсер етпейді
Қолдану жөніндегі нұсқаулар
Дозалау режимі
| Жасы | Бір рет қабылдауға | Тәуліктік доза |
|---|---|---|
| 2-ден 5 жасқа дейінгі балаларға | 3,2 мл | 9,6 мл |
| 6-дан 11 жасқа дейінгі балаларға | 4,3 мл | 12,9 мл |
| Ересектер мен 12 жастан асқан жасөспірімдерге | 5,4 мл | 16,2 мл |
Бронхипрет® шәрбатын жоғарыда көрсетілген кесте бойынша жасына сәйкес келетін дозада күніне үш рет қоса берілген өлшеуіш стақанның көмегімен қабылдаған жөн.
Қажет болған жағдайда Бронхипрет® шәрбатын аз мөлшердегі сұйықпен (мысалы, стақан сумен) ішуге болады.
Қолданар алдында құтыны шайқау керек!
Енгізу жолы және тәсілі
Ішке қабылдау үшін.
Қабылдау уақыты көрсетілген қолдану жиілігі
Бронхипрет шәрбатын күніне 3 рет қабылдайды (таңертең, түскі және кешке),
Емдеу ұзақтығы
Қолдану ұзақтығы аурудың ағымына байланысты
(Емдеу курсы-7 -14 күн.)
Артық дозалану жағдайында қабылдануы қажеті шаралар
Препаратты үш реттік тәуліктік дозадан асатын көп мөлшерде қабылдау жүрек айнуы, құсу, диарея тудыруы мүмкін.
Емі: препаратты қабылдауды тоқтату және симптоматикалық ем бастау.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Жағымсыз әсерлерді бағалау мына жиілік санаттары қолданылады:
Өте жиі (≥1 / 10)
Жиі (≥1 / 100, <1/10)
Жиі емес (≥1 / 1000, <1/100)
Сирек (≥1 / 10000, <1/1000)
Өте сирек (<1/10000)
Белгісіз (қолда бар деректер бойынша жиілігін бағалау мүмкін емес)
Жиі емес:
- асқазан-ішек бұзылыстары (түйілулер, жүрек айнуы, құсу, диарея).
Сирек:
- аса жоғары сезімталдық реакциялары (тері бөртпелері, есекжем, беттің ісінуі, ауыз қуысының және/немесе тамақтың ісінуі, ентігу).
Аса жоғары сезімталдықтың алғашқы белгілерінде Бронхипрет® шәрбатын қабылдауды дереу тоқтату керек.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
100 г шәрбаттың құрамында
белсенді заттар:
жебіршөп шөбінің сұйық сығындысы (1 : 2 - 2.5) – 15.0 г,
айұрық жапырағының сұйық сығындысы (1:1) – 1.5 г
Дәрілік зат құрамында 6-7% (к/к) спирт бар.
қосымша заттар: мальтитол ерітіндісі, калий сорбаты, лимон қышқылының моногидраты, тазартылған су.
Сыртқы түрінің, иісінің, дәмінің сипаттамасы
Ашық-қоңыр түсті, хош иісі және тәтті дәмі бар, мөлдір немесе аздап бұлыңғыр сұйықтық. Сақтау кезінде бұлыңғырлануы және шөгінді түсуі мүмкін.
Шығарылу түрі және қаптамасы
50 немесе 100 мл препарат құйылған жоғары жағында тамшылататын дозалағыш қондырғысы бар, алғашқы ашылуын бақылайтын және қара бояумен дозалары жазылған өлшеуіш шыныаяғы бар қара түсті шыны құты.
Құтыға өздігінен жабысатын заттаңба жапсырылады.
1 құтыдан медициналық қолдану жөніндегі қазақ және орыс тілдеріндегі нұсқаулықпен бірге бүктемелі картон қорапшаға салынады.
Сақтау мерзімі
3 жыл
Ашылған құтыны 6 ай бойы пайдалануға болады.
Жарамдылық мерзімі өткеннен кейін қолдануға болмайды!
Сақтау шарттары
Түпнұсқалық қаптамасында, 25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
Бионорика СЕ
Кершенштайнерштрассе 11-15
92318 Ноймаркт, Германия
Телефон: +49 / (0) 9181 / 231-90
Факс: +49 / (0) 9181 / 231-265
электронды пошта: info@bionorica.de
Тіркеу куәлігінің ұстаушысы
Бионорика СЕ
Кершенштайнерштрассе 11-15
92318 Ноймаркт, Германия
Телефон: +49 / (0) 9181 / 231-90
Факс: +49 / (0) 9181 / 231-265
электронды пошта: info@bionorica.de
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«Бионорика КАЗ» ЖШС
050060 Алматы қ. , Жароков к-сі 331, тел: 250-93-99
e-mail: info@bionorica.kz
Бронхипрет® шәрбат — патенттелген «Фитониринг» технологиясы негізінде жасалған Bionorica SE компаниясының түпнұсқалық өсімдік негізіндегі неміс препараты. Бұл дәрі жөтел және қақырықтың қиын бөлінуімен өтетін тыныс алу жолдарының қабыну ауруларында қолданылады. Оның тиімділігі мен қауіпсіздігі клиникалық зерттеулермен және 2 жастан асқан балалар мен ересектер арасындағы көпжылдық тәжірибемен дәлелденген.
Бронхипрет® шәрбаты қандай жағдайларда көмектеседі
Бронхипрет шәрбатының дозасы жасқа байланысты, ол келесі жағдайларда көмектеседі:
- жедел және созылмалы бронхит кезінде;
- трахеит және трахеобронхит кезінде;
- қақырықтың қиын бөлінуімен жүретін тыныс алу жолдарының басқа қабыну ауруларында;
- тұмау немесе ЖРВИ-ден кейінгі қалдық жөтелде.
Құрамындағы өсімдік сығындыларының арқасында Бронхипрет® шәрбаты қақырықты сұйылтып, оның шығуын жеңілдетеді, қабынуды және бронх түйілуін азайтады, тыныс алуды жеңілдетеді. Бұл жөтел тыныс алуға, сөйлеуге, ұйықтауға және қалыпты өмір сүруге кедергі келтірген кезде тиімді шешім.
Бронхипрет® шәрбаты: құрамы және оны қалай ішу керек
Препараттың тиімділігінің сыры — мұқият теңестірілген өсімдік кешенінде. Бронхипрет шәрбатының құрамы мыналарды қамтиды:
- Жебіршөп сығындысы (тасшөп) — айқын қабынуға қарсы және антисептикалық әсер көрсетеді, қақырықтың шығуын жеңілдетіп, жөтелді азайтады.
- Шырмауық сығындысы — бронхтардың бұлшық еттерін босаңсытады, түйілуді азайтады және тыныс алу жолдарының табиғи тазартылуына ықпал етеді.
Өсімдіктер экологиялық таза аймақтарда, пестицидтер мен ауыр металдар қолданылмай өсіріледі. Белсенді заттардың жоғары концентрациясы «Фитониринг» технологиясының арқасында сақталады, ол ингредиенттердің барлық пайдалы қасиеттерін жоғалтпай жеткізеді.
Қосымша құрамдас бөліктері (су, этанол және жеміс қоспалары) шәрбаттың тұрақтылығын және жағымды дәмін қамтамасыз етеді, бұл, әсіресе, дәріні балаларға бергенде маңызды.
Бронхипрет® шәрбаты қалай әсер етеді
Көпшілігінде туындайтын негізгі сұрақ — Бронхипрет шәрбатын қалай ішу керек және ол қалай әсер етеді. Алдымен екіншісінен бастайық. Жебіршөп пен шырмауықтың қасиеттерінің үйлесімі:
- қою қақырықты сұйылтады және оның шығуын жеңілдетеді;
- бронх пен кеңірдектегі қабынуды азайтады;
- тыныс алу жолдарының түйілуін басады;
- тыныс алуды жеңілдетіп, жөтелді азайтады.
Препарат жөтелді кешенді түрде емдейді, тек белгілерін ғана емес, себебін де жояды. Сондықтан ол сауығуды тездетіп, қалыпты тыныс алуды қалпына келтіруге көмектеседі. Табиғи құрамы ағзаға артық салмақ түсірмейді.
Бронхипрет® шәрбаты: қолдану жөніндегі нұсқаулық
Бронхипрет шәрбатының нұсқаулығы препаратты дұрыс қолдануға және ең жоғары әсерге қол жеткізуге арналған. Шәрбат ішке қабылданады, оған қоса берілген өлшеуіш стақанмен мөлшерленеді. Қолданар алдында құтыны шайқау қажет.
Жебіршөпке, шырмауыққа немесе басқа құрамдас бөліктеріне жеке төзбеушілік болған жағдайда препаратты қолдануға болмайды. Созылмалы бауыр ауруларында, алкоголизм кезінде, сондай-ақ жүктілік пен бала емізу кезеңінде — тек дәрігермен кеңескеннен кейін ғана қолдануға болады.
Балаларға арналған Бронхипрет шәрбатының нұсқаулығында препаратты 2 жастан бастап қолдануға болатыны көрсетілген. Оның жұмсақ әсері арқасында ата-аналар бұл дәріні жиі таңдайды, өйткені ол бүкіл отбасы үшін ыңғайлы, әртүрлі құты сатып алудың қажеті жоқ. Шәрбатты ішу әдетте қиындық туғызбайды, қажет болса, аз мөлшерде сумен ішуге болады.
Бронхипрет® шәрбаты: тамақтан бұрын ба, әлде кейін бе?
Бронхипрет шәрбаты туралы жиі қойылатын сұрақтың бірі — оны тамақтан бұрын немесе кейін қабылдау. Препаратты тамақтан кейін ішу ұсынылады, бұл оның жақсы сіңуін қамтамасыз етіп, асқазанды тітіркенуден қорғайды.
Препараттың дозалануы
Егер сіз Бронхипрет шәрбатын қалай ішу керек деп іздесеңіз — жауабы қарапайым: күніне 3 рет, тамақтан кейін, қабылдауды тәулігіне біркелкі бөлу қажет. Бір реттік доза:
- 2–5 жас — 3,2 мл;
- 6–11 жас — 4,3 мл;
- 12 жастан бастап және ересектерге — 5,4 мл.
Тәуліктік доза сәйкесінше 9,6 мл, 12,9 мл және 16,2 мл құрайды. Дәрігермен кеңеспей бұл мөлшерден асырмаңыз. Дозаны 3 есе арттыру жүрек айну, құсу және диарея туғызуы мүмкін. Мұндай жағдай болса, препаратты дереу тоқтатып, бұл белгілерді емдеуді бастау қажет.
Дәрігерге қашан жүгіну керек
Бронхипрет® шәрбаты түрлі себептерден болатын жөтелде көмектескенімен, кейбір жағдайларда дәрігердің қосымша кеңесі қажет. Дәрігерге келесі жағдайларда жүгініңіз:
- жөтел 7–10 күннен артық созылса;
- дене қызуы көтерілсе;
- ентігу немесе кеуде тұсында ауырсыну пайда болса;
- қақырық іріңді немесе қанды болып өзгерсе.
Бұл белгілер неғұрлым ауыр аурулардың белгісі болуы мүмкін және дәрігердің бақылауын қажет етеді. Есіңізде болсын, өзін-өзі емдеу денсаулыққа қауіпті болуы мүмкін.
Қорытынды
Бронхипрет® шәрбаты Германияда Bionorica SE компаниясымен инновациялық «Фитониринг» технологиясы арқылы өндіріледі. Бұл өсімдіктердің табиғи күшін ғылыми дәлдікпен үйлестіретін тәсіл, ол келесіні қамтамасыз етеді:
- тұрақты сапа мен белсенді заттардың стандартталған концентрациясын;
- болжамды терапиялық әсерді;
- қауіпсіздік пен тәуелділіктің болмауын;
- клиникалық зерттеулермен дәлелденген тиімділікті.
Бронхипрет® шәрбаты — дәрілік өсімдіктердің емдік қасиеттерін ашуға бағытталған ондаған жылдар бойғы ғылыми еңбектің нәтижесі. Препарат кез келген түрдегі жөтелде көмектесіп, бүкіл отбасы үшін қолайлы. Ол жұмсақ әрі сенімді әсер етіп, белгілерді жеңілдетеді және сауығуды жеделдетеді. Дозалау мен қолдану жөніндегі нұсқаулықты сақтау ең жоғары әсер мен қауіпсіздіктің кепілі. Қолданар алдында Бронхипрет® шәрбатының нұсқаулығын мұқият оқыңыз.